深情對話：容祖兒愈唱愈強：唔怕衝擊 8 ta`sNy9 樂壇天后容祖兒出道逾10年，見證了2000年後樂壇的變化。對於近年不少新生代歌手乘勢彈出，她認為是好現象，絕不擔心受衝擊被Out出局，反正遇強愈強、愈唱愈強，誓做舞台天之驕女！
R ]8^
@i1 
_8;)J 愈唱愈強的祖兒，本月中將在紅館舉行第六次個唱！
tUR9ti 記：記者 容：容祖兒
YR$ ) yl 
O"Ua|8 林欣彤獲祖兒讚是「零污染」，更希望她能為樂壇帶來生氣。
Js( "
H 記：近年樂壇多咗林欣彤（Mag）同鄧紫棋呢類「巨肺女聲」，你點睇呢個現象？
;?`l1:C5) 容：係好現象，樂壇需要衝擊同新鮮感，我好耐冇咁留意一個新人（指Mag）。其實若果得一個新人，有時未必咁好，要有兩個比較吓，咁樣會多啲話題，Mag係「零污染」女仔，佢由讀書跳到唔同工作新環境，希望佢發展順利，保持真我。
w:~Y@ b~D 記：擔唔擔心受威脅？
,O[Maj/ch 容：完全冇思量過，始終容祖兒畀人感覺完全唔同，況且好難用一個有十年經驗，同一個啱啱出道嘅新人比較，咁樣對雙方好唔公平，唔好成日諗係咪受到威脅，總之有新衝擊有新想法係好事。正如當年有人話我唱《逃避你》把聲有啲似彭羚，可以用「驚艷」形容，其實彭羚把聲清好多，如果咁樣比較，我怕彭羚唔開心呢！
qV`JZ \ n 記：樂壇係汰弱留強嘅地方？
{?zbr
gQ<Z 容：冇諗過被淘汰，最緊要係留啲乜嘢痕迹喺呢個地方，將來好多年後，有人講祖兒做過啲乜嘢或者唱過乜嘢歌，我已經覺得足夠，起碼對自己有交代。
!` VC4o 談祖業 做到最好 tq^d1b(j4 記：依家仲有冇定期學唱歌？
i9FtS7 容：梗係有，不進則退嘛，依家唱腔同出道時好唔同，聽番《逃避你》，嗰時把聲沙啲沉啲冇乜技巧，但勝在感情真摯。之前把聲試過出事都幾困擾，所以搵專人教護聲唱法，要用多啲丹田，將聲帶訓練到似肌肉咁強壯。
Pa}
B0XBWP 記：出道超過10年，點形容依家嘅位置？
Uq8=R)1<|d 容：好似坐喺一架飛穩咗嘅飛機，升到某一個高度，然後解開Seat belt，喺飛機任意行，望吓出面天空嘅舒服感覺。但我對自己好殘忍，因為覺得可以進步，每一次工作都想Keep住有啲唔同，所以無論係大小工作都會努力做到最好。
}[%d=NY 記：咁你點睇獎項？
qp6*v& 容：如果做得好自己會知，比如我做咗一張好唱片，會諗如果攞到最佳專輯獎就好嘞，但其實仲未攞到，咁我知道一個獎項嘅由來，要經過天時同地利人和，細心去諗，我追求嘅進步係咪嚟自獎項呢？獎項當然係好開心嘅禮物，但最緊要係自己心知追求緊乜嘢。
Bt\z0*t=s 談剩女 討厭標籤
!R/- |Kjy 記：係咪好抗拒畀人叫剩女？
buv*qPO 容：（認真地）我懶得理費事睬，乜嘢都有人講，十幾歲就話公主病同港女，乜都有標籤，咁又代表乜嘢呢？冇意思囉，你都唔用心去感受每個人深一層，只睇表面及年齡，每個人有佢特質同唔同性格，所以唔係有一個標籤就概括晒。
RaNz)]+7` 記：EQ高咗？
iNxuQ7~ 容：OK呀，我選擇唔理，因為我同佢哋唔同層次。依家回應一啲報道，會盡量表現得體。以前唔識，碰過釘，要吸取經驗，但唔係話要圓滑要世界女。我好鍾意睇番自己嘅訪問，因為有時唔知講咗邊句說話令人唔舒服，睇番就會知道，有時以為冇事衝口而出噏得就噏，我唔介意自嘲同幽默，但唔鍾意畀人覺得係亂噏，有時環境逼到埋嚟會諗唔到嘢，其實我應該拉拉鏈唔講嘢，總之要喺適當時候講嘢。
'z}Hg
* 談羅文 精神永在 ^Nu0+S 記：有冇掛住師傅羅文？
qauZ-Qoc9 容：佢（指羅文）一直係裏 面（指住心）唔會走，（去咗好遠地方？）一份精神囉。有時喺工作上少不免有少少挫折，我會上網Search片段，唔單止佢、仲有梅姐（梅艷芳）同哥哥（張國榮），我都會自我勉勵，要吸收佢哋成功之道，諗到每個成功者條路都唔平坦，嗰刻會得到一啲安慰。早排都有夢見師傅，喺夢境我同佢坐住架開篷車好開心。
01P ~K|s 記：學羅文開班授徒？
v1E=P7}\{s 容：我細佬本身唱歌好聽，早排佢好苦惱咁問我，話自從馬來西亞讀書返嚟後，覺得唱唔到歌，佢嗰時成日學周杰倫，首首歌都識，依家唱唔番啲高音，咁我就揸實佢個肥肚，同佢講要喺丹田用力，仲要幻想去廁所嗰度力。我教佢高音點上，氣聲點用。至於真正開班授徒就有壓力，做老師有好多責任，若然大家有興趣同誠意，單對單都可以諗吓，我唔介意分享唱歌心得，至於教唔教到你，我又唔擔保喎。
B,Gt6c Uq 談朋友 阿詩交心
QlFt:?7f 記：你圈中朋友好多，但同Wyman（黃偉文）呢幾年好熟？
J"TM[4^\Y 容：我同Wyman呢幾年熟落咗，都係緣分啦，有幾次約食飯，共同嗜好都係時裝，所以好傾得埋。至於張敬軒佢一出道已經識，睇住佢一路進步，佢係一個重情義、感性及處事圓滑嘅男仔，對朋友細心、對自己大意嘅人。
yX dJ5Me(T 記：同何韻詩呢？
5cza0CriJ 容：我同阿詩就更加熟落，大家識咗11年，仲好記得同佢第一次喺銅鑼灣出席活動時嘅畫面，我哋Sell嘅嘢係南轅北轍，大家唔同Market，互相勉勵，喺圈中好難得。
e yLVu. 
},=0]tvZG# 容祖兒不會孤獨終老，相信緣分自會降臨。
ra'h\m 談結婚着重眼緣 qX Q/M] 記：會唔會結婚？
Z_F}Y2-w9 容：我想有個逍遙自在嘅人生，我享受這刻擁有，幾時上岸？一樣米養百樣人，每個人幸福路唔同，30歲先係人生真正開始，20歲係有青春，但乳臭未乾，冇乜人生經驗，緣分嘅嘢冇得自己安排，我相信自己唔會孤獨終老。會唔會鍾意細過自己嘅人？唔會諗，要靠眼緣囉，要知道我鍾意食乜，同埋要對我體貼溫柔。
7w U$P 
1`X-
O> 祖兒高難度傾斜舞姿，盡顯功架。
S _B $-H| 十載耕耘屢破紀錄 UOg4
E 一分耕耘，一分收穫，容祖兒在過去十年不斷突破自己，無論在唱歌及跳舞方面，也作出新嘗試，且在樂壇屢破紀錄，成為「80後」女歌手表表者。
W?B(Jsv 本月中舉行第六次個人紅館演唱會，打破了以往紀錄，成為首位十年內開六次演唱會的女歌手，認真威水。
DrTo" )T 年初在勁歌總選大發雌威，一口氣狂擸七個大獎，並超越譚詠麟和自己的五獎佳績，成為勁歌史上最多獎的女歌手，成績斐然。
-q-/0d<l 在2008演唱會演繹快歌《逃》時，作出45度傾斜高難度舞姿，並作出多個凌空及翻身動作，絕對「舞」得彈！
h6Vm;{ ~ 五度蟬聯《勁歌總選》「最受歡迎女歌星獎」，平了已故天后梅艷芳紀錄！
guC7!P^ 後記 恨假天后 bxS+ R\ 貴為樂壇天后，容祖兒大部分時間奉獻給錄音室及舞台，本月中她於紅館舉行第六次個唱，在她的人生字典中，似乎找不到「放假」兩字，難怪她恨「假」恨出面。祖兒坦言明年初計劃小休，擬單拖去陽光燦爛的美國加州充電，體驗生活，不過若要願望成真，相信愛女深切的容母，是祖兒最難過的一個關口呢！
