揞名爆「下海」長期飯票斷纜

近排「電波 CEO」同「大小姐」出雙入對，感情好到不得了。坊間好多人以為係「大小姐」撬「電波 CEO」前女友「下海」牆腳，其實係好大嘅誤會。事關「電波 CEO」未同「大小姐」行埋前，佢同「下海」根本分開咗好耐，只不過「下海」厚面皮死黐，仍然住喺人哋屋企。其實「電波 CEO」十足係「下海」嘅衣食父母，雖然「下海」有嘢做緊，但大家諗吓，如果佢搬走嘅話，又要養女、又要交租，一闊三大，條數左度右計，點都係跟住個人肉提款機有着數啦。  UqwU3  
就咁「下海」做菠蘿雞做咗年幾兩年，直到「電波 CEO」挑戰難度成功將「大小姐」追到手，「電波 CEO」已明示暗示咁要「下海」識做。嗱，大家又唔可以話「電波 CEO」無情，但佢又唔係慈善家，既然自己有新歡，無謂再同舊愛糾纏，梗係第一時間同你劃清界線，跟住就閂水喉啦。再講亦冇女人大方到可以俾 honey同個前任女人繼續同一屋簷下，就算強如「大小姐」，始終都係女人仔一個，絕對唔會有例外。所以「下海」逼於無奈搬竇，以後食自己囉。