揞名爆 無辜俾「冇大志」飛　「米瘦」呻爆

「冇大志」撇甩「米瘦」翻撻「排骨四」單嘢，真係長做長有。呢，早兩日又輪到前近身「阿囡」出嚟講多兩句，仲係愈揭愈臭，可想而知「冇大志」份人係幾咁蠱惑。 >\=3:gb:  
早幾日，媽咪姐同班行家食飯，當中 B大姐原來同「米瘦」好老死，講得上係閨中密友嗰隻。 B大姐話自從「米瘦」俾「冇大志」飛甩之後，成個人冇晒心機，成日搵佢哋出嚟訴苦。 B大姐話見親佢十句不離九句都係呻唔明「冇大志」為乜要同自己分手？因為事前兩人嘅關係一直好好，莫講話嗌交，連小小嘅拗撬都未試過。「米瘦」話佢 3月生日時，「冇大志」仲唔聲唔聲同佢搞咗個生日會，喺朋友面前當正佢係老婆咁款。點諗到事隔兩個月，「冇大志」忽然話要同佢分手。對於發生咁突然嘅嘢，佢完全接受唔到。 qr4pR-Gdr  
學 B大姐話齋，「冇大志」又鬼咁識做戲，懶正氣咁將全部嘢孭晒上身。其實熟佢嘅，邊個唔知佢份人做任何嘢都係計過度過呀。媽咪姐真係要勸「米瘦」一句，呢啲咁自私，咁有機心嘅男人唔使恨 o架，算罷啦。