揞名爆 「削骨瑩」惡到冇人有

惡人媽咪姐見唔少，惡到好似「削骨瑩」咁就真係萬中冇一。嗱，「削骨瑩」恰老公「斯文蟲」就全世界都知，不過人哋兩公婆一個願打一個願捱就干卿底事。但以下單料佢就真係離晒譜。 ximVh}'a  
話說當年「削骨瑩」買咗間獨立屋，搵咗間好出名嘅室內設計公司負責裝修。期間「削骨瑩」返咗大陸做嘢，到間屋裝修得七七八八至返嚟。有日佢約埋負責呢單工程嘅女設計師一齊去睇樓。點知「削骨瑩」一入到屋，就立即嚟料，好似機關鎗咁猛鬧啲設計唔掂，手工唔得，統統唔收貨。女設計師諗住解釋吓，點知「削骨瑩」就鬧人哋駁嘴，一巴就摑落女設計師度。女設計師受咁大屈辱，立即梨花帶雨，「削骨瑩」得勢不饒人，繼續唔停口咁鬧。企喺隔籬嘅「斯文蟲」仲好得戚咁落井下石，「唉，你好得罪唔得罪，得罪佢！」女設計師終於頂唔順，奪門而去。之後點？設計公司咪邊?女設計師，邊換個男設計師執手尾囉。