劉德華呼風喚雨 wqE ]o=
k 2010.10.22
PU?kQZU~) 
"
VcGr#zW 超強颱風「鮎魚」逼近本港，另一股強風亦悄悄醞釀，已肯定於今年年底在紅磡一帶登陸。預測得咁準？皆因呢股風叫做《劉德華Unforgettable演唱會2010》，目前已經加到20場至明年1月8日，門票仍然供不應求。首賣一朝早，人龍已經逼爆城市電腦售票網，能夠搞到電腦系統Jam機的歌手，地位當然超然非凡。
_vU,avw 今年是劉德華踏入演藝事業的第30個年頭，但近期傳媒最關心的，始終是朱麗倩是否成功懷孕？就連葉德嫻早前在華仔演唱會記招上都開到口恨「抱孫」，搞到華仔不懂如何招架！經歷被指「瞞婚」一役後，華仔對屋企人顯得更為保護，對於有傳太太懷孕3個多月，華仔直到現在仍然大耍太極，更反過來向記者「軟硬兼施」求別再追問。莫非，真的要靠國產神探福爾摩斯：狄仁傑，才能夠查出真相？
8 CA4gnh 撰文：陳禮恆 攝：謝麗娟(訪問)、美聯社
1 oX"}YY1 既然華仔唔習慣把家事如數家珍，即使搵「狄仁傑」出馬都無用。提到華仔入行30年，至今依然出現很多第一次，正如早前上映的《狄仁傑之通天帝國》是他首度與徐克導演合作。「同徐克傾開偈談合作，前後都有兩年，當時他仲未開拍《深海尋人》。我當初接到《狄仁傑之通天帝國》的劇本，中國版福爾摩斯？我覺得OK喎！」
30< dEoF 取笑他演的狄仁傑如此英勇，焦點卻又落在他與李冰冰的一場親熱戲。華仔抵死的說：「李冰冰演得好自然，男仔反而愈尷尬，你都唔知望去邊好，唔望又唔抵呀，哈哈！」
% 7
J 代表作未出現 lrq !}\aX 
>454Yir0Mk 回顧過往咁多經典作品，狄仁傑是否你的古裝代表作呢？「如果以電影來講，我認為仲未有一個古裝角色夠代表性，始終未能跨越當年楊過或者皇帝角色。雖然話《投名狀》的二虎和《三國之見龍卸甲》的趙子龍都好成功，但都未及當年演出的電視劇《神鵰俠侶》和《鹿鼎記》。我都等緊古裝片的代表作出現，(理想角色？)一係演項羽、曹操都得，如果要拍文戲，《江山美人》的正德皇都好。」
RNX}W lo-s 「我唔會專登拍攞獎戲！」有人話華仔出道咁多年，相對於張曼玉、梁朝偉等同期拍檔，華仔在海外的電影市場起步較慢。他解釋說：「有記者說我到宜家先至角逐國際影帝，我又覺得無話遲嘅。可能人到不惑之年啦，得獎與否沒太大感覺。反而我曾經有機會做評審，可惜我個期只得4日，大會話4日都夠了，但我唔鍾意，唔想好似去宣傳咁，應該留足兩星期，同其他評審一齊開會討論，才會有交流、學到嘢！」
%Si3t2W/ 劉德華出晒名勤力，而且還很念舊、重感情。葉德嫻(Deanie)早前出席劉華演唱會記招，見到這對「母子」組合再次企埋一齊，好感動。從TVB年代《獵鷹》到電影《法外情》的兩母子，非常期待兩人再次擦出火花，這個夢想，明年成真！「每個人的磁場都不一樣，可能就係咁啱咁蹺，其實她與譚耀文合作都有火花。」
\3)%p(' 念舊情再合作 u0XGtu$4 
VIi| :
k 「明年我會開一部戲，除了跟Deanie姐再合作，還會找許鞍華擔任導演。始終係由我一個人投資，錢唔係好多。新戲唔係愛情片、唔係動作片，好像《女人四十》之類。待完成演唱會後便會開戲，其實我一直都好想再同她們合作。」想當年華仔第一部擔正做主角的電影《投奔怒海》，正是許鞍華執導的。
Z"!C 其實華仔念舊的豈止電影，還有他的音樂。他曾經填寫過一首《17歲》，緬懷自己在娛樂圈的過去。最近，又推出了新碟《忘不了的》，翻唱多首國、粵語經典金曲。提到年底舉行的《Unforgettable演唱會》掀起撲飛潮，他笑說：「我自己公司的員工都買唔到飛！」
# M`ijN!Y 好奇今次紅館演唱會有甚麼秘密武器？華仔續說：「秘密武器咪我囉！其實唔係好秘密啫，今次我會揀觀眾想聽的歌，不一定全部是舊歌。現在仍在揀歌階段，初步構思出5、6個不同環節，睇下邊一Part做得好啲。」講到光輝經典30年咁，華仔最慶幸的，是擁有一班Fans的一直支持。
