溫碧霞錫囝囝多過老公

【on.cc 專訊】 溫碧霞出席《Estee Lauder Advanced Night Repair升級眼部基因修護精華預展午宴》，她表示剛從夏威夷返港，開始入工作，問到接Job會否以BB（養子）為先？她說：「呢段時間冇接戲，好開心，但有份演出o既《酒徒》會參加亞太區影展，我可能會去。（你有份競逐？）未知。（個仔幾旺你？）都開心，最近少拍咗電影，（仔仔有冇契爺契媽？）有兩個契爺契媽，佢好得人鍾意。（會唔會收養個女？）未諗，除工作外，我將所有時間都畀晒BB，我最近帶佢去游水，佢好易湊、好乖、好聰明，每次出門都唔捨得，對老公都唔會有呢個感覺。（你老公呷醋？）冇呷醋，有個仔令我更加美滿。呢種快樂係工作同生活上得唔到，親生同收養都冇分別，愛都一樣，我多時間湊個仔，個仔黐我多過老公，而且我做忠心。（叫媽媽未？）人哋話男仔學講說話慢，但佢學行好快，不過企唔穩，要拖住行。（你瘦咗？）手瓜粗咗，個仔20磅重，成日都要拖住。」 .uZ3odMlx  
r#p9x[f<Y  
溫碧霞坦言對養子付出了很大的愛。